قصيدة أنا الذي شفت البلاوي وصديت الشاعر بندر بن سرور العتيبي
أنا الذي شفت البلاوي وصديـت
ومن باعد الصدات قلت شطونه
ماني وأنا بندر بهيت ولد هيـت
هيت يجامل خمة يكرهونه
من كثر ما جربت واقبلت واقفيت
قولك هلا لمن لا يودك مهونه
والله يا لولا قول يا رجل زليـت
لاعـد شي ما ترقع شنونه
سلط على النصراني اللي لقى الزيت
ياعل نبع الزيت يعمي عيونه
لولاه تحتاج المراجل شفاليت
تحتاج شي يقصر النذل دونه
عزب على الفرجه وقطع الخلاليت
حتى عيال البـوم ما يقطعونه
ثلاث مـن كل المعاني تنقيت
اللي بقى كل الملا يقدرونه
مابي جزاهن غير من خالق البيت
عن مالهن للناس ما ينفعونه
بندر بن سرور