إعلان

كلمات شيلة ثلاث ارقام

كلمات شيلة ثلاث ارقام

خالد ال بريك و حزمي بن سعد

هدوء المساء والبرد والنار والالهام
خذتني بعيد وزلزل الشوق خفاقي
مامرتني الذكرى القديمة مرور كرام
احس بوجعها ينتشر داخل اعماقي
تعشى الحزن طراف كبدي وشبع وقام
وانا خايف يعود ويفطر على الباقي
حقوق الضيافة ماتعدى ثلاث ايام
وانا لي ثلاث اعوام والحزن في احداقي
اعذل على نفسي واقول الفرج قدام
واردد مصير الحي بالحي متلاقي
لو اني من التفكير والهم والاوهام
ماعاد اقدر آقف واتحمل على ساقي
ياحلم الحياة انا بدونك بدون احلام
ياويلك من الله كيف تصبر على فراقي
انا معك مثل الطفل ابو خمس ست اعوام
على ادناة حاجة تقدر تزين اخلاقي
كرهت الظروف وسالفة للظروف احكام
اقدر ظروفك وانت ماتقدر اشواقي
يجيني على شوفك مشاعر وله وهيام
و انا فيك والله مادري ويشني لاقي
لاشفت القمر ينقص ويكمل ونورك تام
دريت انك اجمل منه يانبض خفاقي
ملامحك شي وضحكتك رحلة استجمام
وكلامك حياة وصوتك يرتب اوراقي
لعبي غرامك لعبة الغصن والانسام
على قمة اللي قمته تتعب الراقي
عسى عيونك اللي بين الاغضاي والسلهام
مايجذب نظرها الا سحابي وبراقي
انا اخاف من طاري المفارق بشكل عام
مثل ماتخاف الجن من رقية الراقي
ابي عمري وعمرك يجي من ثلاث ارقام
وحنا على الحب وعلى هقوة الهاقي
عطبتك عن الاوضاع نبذة وروس اقلام
ومتى ماتواجهنا بعلمك بالباقي

كلمات شيلة ثلاث ارقام
شارك الموضوع
تعليقات
مكان لاعلان