قصيدة ياراكب من فوق حيل مجلات الشاعر صالح الهليمه
الشاعر: صالح بن سند الهليمه الحنتمي _ رحمه الله
((والد الشاعر جزاء بن صالح )) من قبيلة مزينه من بني سالم من حرب وهو شاعر مبدع تتميز أشعاره بجوده الصياغه وصدق العبارة
اخترت لكم هذه القصيده من اشعاره امل ان تحوز على اعجابكم
ياراكب من فوق حيل ٍ مجلات === مترفعاتٍ مبرمات ٍ عصاوي
يشدن تخضاع البني العفيفات === على المزين يجدعن المزاوي
القلب لابده يهوجس بحاجات === والبعد والله مايرد الشقاوي
تعبروا ياهل القلوب الفهيمات === متعرضينٍ للخطر والأهاوي
ياما على الجاهل يفوتن الأفوات === وياما على العاقل تصير البلاوي
لا صار ما تاخذ امورك بحيلات === يصير عقلك والهبال متساوي
راع الحساني ما يجازى بسيات=== وراع الصخا حبله طويلٍ رهاوي
ورفيقك اللي دايم الدوم شمات ===بيعه برجوى الله وثيق العراوي
والقبر صندوق العمل بيت الأموات=== ترصد على جاله بدوٍ خلاوي