قصيدة تدري وش أكبر ذنب بالشرع والدين الشاعر نايف بن عرويل
قصيدة تدري وش أكبر ذنب بالشرع والدين الشاعر نايف بن عرويل
نقدم لكم اليوم قصيدة الشاعر نايف بن عرويل تدري وش أكبر ذنب بالشرع والدين
تَدري وش أكبر ذنب في الشرع والدين
إنك تسب اللي خلقك وتذمه
وتَدري وش أكبر عيب عند الميامين؟!
إنك تخاوي لك من الناس رمه
وتدري وش أخطار التجاوز من يمين؟!.
إنه يكون اللي على الباب عمه
والمشكلة لا سلهمت فيك بالعين
والريح تنثر في شعرها، وتلمه
يضيع فكرك بين حد الحجاجين
ويمكن تجيب الكارثة و المطمه
وتدري وش اللي يِدبل الكبد ويشين؟!.
بعض القصيد اللي على غير يمه
يا بندر ابن سرور وين أنت هالحين؟
وين أنت يا زبن الأمور المهمة
وين القصيد اللي يدك الميادين؟!.
ويهز شيخ فوق رأسه معه
الشعر والشعار صاروا عناوين
ومهبل تشري القصيد، وتصمه
صاروا مثل ما قال لعبة وراعين
وكلن تربع له على رأس قمة
يقول أنا الشاعر وغيري مجانين
ودك على مجمع حنوكه تخمه
الناس تذبح في العراق وفلسطين
وقصيدة يا حلو عينه وفمه
عساه يؤخذ في الضحى قولوا آمين
اللي بنات الناس شغله وهمه
أحد يحاول ستر عذراء البعيدين
واحد يدور بالرديء بنت عمه
قد قالها بندر قبل عدة سنين
يثور معها الحر ويثور دمه
ولا الردي لو مرته بين قوسين
تزول في عينه مزول المغمه
يا بنت شومي عن أهل الضعف تكفين
مالك ومال اللي قريب مجمه
