إعلان

قصيدة اصحابي اللي بالوعد همشوني الشاعر سالم محمد المرواني

قصيدة اصحابي اللي بالوعد همشوني الشاعر سالم محمد المرواني

أصحابي اللي بالوعد همشوني
وا همي اللي همش القلب تهميش
لاجوا على الموعد ولا علموني
ياليتني داري عن السالفة ويش

ناسن مقابلهوا يبرد غبوني
عز الرفيق وللمعادي مغاشيش
عندي مثل يوم المطر لا لفوني
تصبح ضلوعي من قبلهوا مواريش
ولاعطيتهوا ما بالضمير وعطوني
وزال السوال وقام للهرج تنويش
وانعشتهوا بالسالفة وانعشوني
سوالفن ماهي سوالف هل الطيش
ومن عقبها على الشبب يقلطوني
ومن عقب واجبهوا تزين المطاريش
يازينها لو انهوا شرفوني
ولا الغلا ماهي على لقمة العيش
لاشك عن طيب الرجال حقروني
والجود ساسي والمعوشة عراميش
وإن كان مقصدهو بها يسكحوني
ماتنكسح غير الخبول الدراويشش

فعيال ابن مروان مايجهلوني
أهل كرم واهل مواقيف قد ايش
يابو مهند كيف خابت ظنوني
عقب الصداقة صارر فالوضع تطنيش
ليه سنة مشغل لشوفك عيوني
حتى مع اللي بالسماء ينفض الريش
وأنا ماودي للخطأ تجبروني
لاشك أنا صبري على المخطية ليش
خذوا ملازيم الرجال وعطوني
قدام لايطلع بالأوضاع تشويش
والله غير لطلبتي تجلسوني
عند الرجال اللي ماتقبل بخاشيش
ولا أدليت أنا في حجتي وسمعوني
ماينكرون الحق غير الهلابيش
وأنتوا عن هبوش العرب تكرموني
أجدادكوا بالمرجلة تحفي الجيش
وكان الخطأ تصبر عليه العفوني
حنا نرده لو بضرب المحاديش
وإذا تمادينا برده نهوني
تحرم علينا ناقضات العكاريش
ترضون ولا ياسعد تزعلوني
وا همي اللي همش القلب تهميش

اصحابي اللي بالوعد همشوني
شارك الموضوع
تعليقات
مكان لاعلان