قصيدة ياريم الشاعر بندر بن سرور العتيبي
نقدم لكم اليوم قصيدة يا ريم للشاعر بندر بن سرور العتيبي
ابكي وعيني تسهر الليل ياريم
مدري بلاها الشوق والا الظليمه
ياريم دمع العين مدري على الريم
والاعلى قلبن تواكل صميمه
تقول لاطمني على نوبها سيم
ابكي وعندي لازرق الدمع قيمه
ويمكن يكون الدمع للعين تكريم
ويمكن يكون الها عذاب وحريمه
والله يا لولا دمعتن كنها الديم
راحت ضلوعي من عذابي حطيمه
ودام البكاء ياريم مافيه تحريم
يا عنك والله لارخص الدمع شيمه
وابكي على حالي من الوجد واهيم
لين الزمن يخلف عليه نسيمه
ابكي حياتن صافيه مابها غيم
وين المحبه والقلوب السليمه
ابكي قهر وابكي من الغبن والضيم
وابكي من طعونن بقلبي قديمه
غدر الزمن خلى بوجهي مراسيم
ومايذبح الرجال مثل الهزيمه
بعض المصايب شرها ياكل الهيم
وشلون بكبود الرجال الكريمه
وبعض المصايب يخلفن المفاهيم
تبغى على ماقيل صبر وعزيمه
مظلوم بالدنيا وغيري مظاليم
من عرض ناسن لبسوهم جريمه
ماعاد ابي من سود الايام تعليم
عقب العذاب اللي كلاني جحيمه
ولو تصفي الدنيا علي الملا زيم
ماعاد ادور من وراها غنيمه
للتصحيح اخي الكريم .. بندر بن سرور شاعر جزل ومعروف وهو في غني ان تنسب له قصائد غيره من الشعراء
ردحذفهذة القصيدة ليست للشاعر بندر بن سرور رحمة الله بل هي للشاعر ممدوح المرزوقي البقمي المسجون منذ عشر سنوات تقريبا والمعروف بشاعر الثقلين فك الله اسره واعاده الله الى اهلة و ذوية ان الله على كل شيئ قدير