كلمات شيلة طواري العصير سفر الدغيلبي خالد آل بريك
أهلاً وسهلاً بكم في مدونة بعيد الهقاوي
نقدم لكم اليوم كلمات حصرية و نادرة لـ الشاعر سفر الدغيلبي
ونتمنى أن تحوز على رضاكم
طواري العصير
أمور تعيق الشاعر الملهم الحساس
وتنشاف في وجيه القصايد مضاربها
لو تذوب في حبر القلم تحرق القرطاس
وتنتج حرايق ماتطفى لهايبها
ولو تطرق أسماع المعري وأبو نواس
تباكوا عليها وأنشدوا وين صاحبها
طواري العصير وذعذعة بارد النسناس
تهيض هجوسي والمواجع تقلبها
أدوج رحالي وأتضايق من أدنى الناس
ولا أداني العربان كني محاربها
وأصك التليفونات من سطوة الهوجاس
خطير أكسر أجهزة الهواتف وأخربها
إلي وقت متغير ووضعي شبه منحاس
الأعراض هذي ياترى وش سبايبها
أناجي إلهي وأتعوذ من الوسواس
ياربي بيدك أقوى العلاجات وأطيبها
وأشاكيك يامن رفقتك قمة النوماس
لعلك بخير ووجعتي ماتجربها
أنا أونست لي ياخو حمد دويتن فالراس
ليا ادويت حتى اصابعي ما أعرف أحسبها
معي غامتن تفقدني الميز والاحساس
تجي كل ما الشمس أوهفت يم مغربها
وتثني علي ليا إنتهت سمرة الجلاس
تجاذبني ليا الساعة أربع وأجاذبها
تغيرت عقبك لين مات الرجا فالياس
ونصف الهقاوي ضاعت اللي هقيتبها
ياربي لعل الحبل مايشبك القرناس
وينقل كفوفن مايدسم مخالبها
وهو ماتعود فالمطاليع بالإفلاس
يهوم الثقايل والخفاف يتجنبها
ترى السالفة ماهي بقصة سهر ونعاس
ولا دمعة أحباب تفارق حبايبها
أمور تعيق الشاعر الملهم الحساس
وتنشاف في وجيه القصايد مضاربها
لو تذوب في حبر القلم تحرق القرطاس
وتنتج حرايق ماتطفى لهايبها
ولو تطرق أسماع وأبوس نواس
تباكوا عليها وأنشدوا وين صاحبها
وهالحين ياشيخ الفريقين أنا العساس
وخايف بعدك أبل دعواي واشربها
