إعلان

كلمات شيلة يابو منصور لاتغلي علي المطية سفر الدغيلبي خالد آل بريك

كلمات شيلة يابو منصور لاتغلي علي المطية سفر الدغيلبي خالد آل بريك

يابو منصور لاتغلي علي المطية
سومتي صاملة ماهي بمزح وتسلي
قل نصيبك وحملها ترى البيع نية
لاتطمع بعد ماشفتني جيت كلي
ناقتك والله العالم ماهيب البغية
مير لاتمدح الجربا عساها تولي
لى ورى سومة الناقة علوم خفية
ماتشفقتها إلا وسمها جايز لي
مطرح الوسم والشاهد عزيز عليه
يوم وكدت أهلها قمت أرحب وأهلي
مرتبك وأخلط الشاهي مع الشاذلية
وأدبل السعر وأزيده وأنا في محلي
والمحبة على العاقل مصيبة قوية
ماتخلي له من العقل لو ربع ملي
المحبة تراها أقوى من الجاذبية
لو تصيب القمر عليان جاك امتدلي
يابو منصور لاتكثر شروح القضية
اعرف الوسم والحليا قبل لاتحلي
وسمها بين لاهل العقول الذكية
لايح فوق مضراب العصلي وامتعلي
نقشة كنها حية ولاهي بحية
و رقمتين كبر حباات رمان بلي
وسم من فعلهم فالدين والجاهلية
يكرمون الضيوف ويحتمون المتلي
خذت لي في مضاربهم ليال هنية
حبهم للجوارح صار قبلة مصلي
الظروف تخدم والرجل تمشي جرية
تجربة صادقة ماهيب ياطير ياللي
وارختها القصايد واللحون الشجية
وانشرتها رحاب الكون لعيون خلي
والمحبين والسمار والراعبية
ارسلوها تغنى مع ربابة مهلي
ثم زاد العناد وزادت العنجهية
بعد ما ساق لي كثر الجفى والتغلي
والخطية ترى ماتنمحي بالخطية
مير زادن هذلي وابعدن عن هذلي
آخر الحب وآخر تجربة عاطفية
إنتهت والبراشوت إنطلق بالمظلي
مابقى من شهود الحب غير المطية
خلها في طرف جله العشاير تفلي

كلمات شيلة يابو منصور لاتغلي علي المطية
شارك الموضوع
تعليقات
مكان لاعلان