أهلاً بكم زوارنا الكرام في مدونة بعيد الهقاوي أكبر موقع عربي b3h.net

قصيدة ياوجودي كل ماهب نسناس الشمال الشاعر ضيدان بن قضعان

قصيدة ياوجودي كل ماهب نسناس الشمال الشاعر ضيدان بن قضعان , ياوجودي ضيدان , هب نسناس الشمال , ياوجودي كل ماهب نسناس الشمال عود , قصة قصيدة ياوجودي ضيدان , ياوجودي كل ماهب نسناس الشمال حبر العجمي , كلمات
Online
قصيدة ياوجودي كل ماهب نسناس الشمال الشاعر ضيدان بن قضعان

يا وجودي كل ما هب نسناس الشمال … وجد من حده زمانه على اللي ما يبيه

ويا وجودي كل ما اضحيت ثم مال الظلال … لاغفت عيني ولا ذقت شي مشتهيه

وجد من قفى وهو في رجا كلمه تعال … والتفت من عقب ما اقفى ولا احد لد فيه

وياعذابي لا دنا الليل من روس الجبال … وانقضى يوم من العمر ماعاد ارتجيه

وانتي ابعد من سمى الحلم ووصالك محال … يابعد من هل دمعي ضحى الفرقى عليه

ياغناتي لا تحسبين دمعي يوم سال … ضعف ولا خوف ولا كذا ولا كذيه

والله اني من رجال يضدون الرجال … لكن الحظ الردي ساق دمعي كلبيه

والله اني كل مادار حوليك الجدال … قمت كن الموت يشر على قبري بيديه

والله ان قد لي وانا اصد لا جالك مجال … صدت اللي لا تضايق تذكر قبر اخيه

ومن سألني قلت مدري واذا عاد السؤال … قلت له تكفى سؤالك ترى ماهو وجيه

وش تبيني اقول عن من ترى ذبحي حلال … والخطاء منها علي صرت احبه واهتويه

عذرها لو ماتعذر مثل واضرب مثال … واحد ما يعرف الحر الاشقر يشتويه

وان رجعنا للتواصيف لله الكمال … لانتهى ليل المزايين جاتك تبتديه

كنها غفل مع البدو طاويها الحيال … ما يميز وصفها الا نبيه من نبيه

واهني اللي وصلها وذاق من الزلال … رشفه مع غفله الناس من فيها بفيه

وعزتي للي سواتي عشق ما لا يطال … ويوم طاله ضيع الحلم بين امه وابيه

ياول احلام الطفوله على حد الخيال … الرجا باللي حمى البيت من حمله بريه

حال دونك سيف عنتر وتاسع حول حال … باثر حول حال دونك وانا ادعي هيه هيه

هيه ياللي غرك الحسن واطغاك الجمال … والله ان اموت ما شفت لاوصافك شبيه

لو يسام الحسن والتيه بجنيه وريال … ما بقى في سوق غيرك ريال ولا جنيه

كيف اهدك للمقادير وانتي راس مال … راس مال ومال والمال ما يعطى السفيه

حافظك حفظي لعيني ورمشي لك جلال … وانتي تشحين بالماء وانا شفي مويه

شايف ظلمك وساكت وطال الليل طال … لاتركتي طعن قلبي وانا ما قلت ليه

لو بقى للهيل صبر على فوح الدلال … ما بقى للقلب صبر على شي يجيه

كنت احسب ان الغلا زال واثره لا يزال … في الحشى ما كنه الا دخيل في الوجيه

ساقني حبك على الموت وسنيني هزال … والظروف اقسى من الظلم للعرض النزيه

وانتي تسوقين عقلي على حد الهبال … تحسبين ان من بغى شي يقدر يشتريه

ولا انا ياوجد حالي وجود ما يقال … وجد من ضحى بغاليه لرضى والديه

ويا وجودي ياول العمر قبل البس عقال … وجد من باع اخر العمر في رغبه ذويه

ويا وجودي كل ماهب صوتك من شمال … وجد من حده زمانه على اللي ما يبيه

ياوجودي كل ماهب نسناس الشمال

إرسال تعليق

الموافقة على ملفات تعريف الارتباط
نحن نقدم ملفات تعريف الارتباط على هذا الموقع لتحليل حركة المرور وتذكر تفضيلاتك وتحسين تجربتك.
أُووبس!
يبدو أن هناك خطأ ما في اتصالك بالإنترنت. يرجى الاتصال بالإنترنت والبدء في التصفح مرة أخرى.
تم اكتشاف AdBlock!
لقد اكتشفنا أنك تستخدم المكون الإضافي adblocking في متصفحك.
تُستخدم الإيرادات التي نحققها من الإعلانات لإدارة هذا الموقع ، ونطلب منك إدراج موقعنا في القائمة البيضاء في المكون الإضافي لحظر الإعلانات.
Site is Blocked
Sorry! This site is not available in your country.