إعلان

كلمات شيلة يامومن الريفي انا جيتك زبون الشاعر محمد بن فطيس المري

كلمات شيلة يامومن الريفي انا جيتك زبون الشاعر محمد بن فطيس المري

يامؤمن الريفي انا جيتك زبون جيتك على مدح اكثر الناس وعنيت
جيت وتعالى الله عما يشركون لولاه يامؤمن لطبك ما اهتديت
راضي بحكم الله علي مهما يكون عالج عيوني لو بعـد طبك عميت
ودي اخاشر في البصر من يبصرون واشوف دربي لاسرحت ولاضويت
والى قنصت اثبت مع اللي يثبتون واشوف طيري كل ما اوميت ودعيت
ياكثر مايضرب خويي الطابلون من كثر ما اكلته مطبات وكليت
وودي اشوف اللي علي يعرَضون وبعض الليالي ودي اسري دون ليت
واشوف ناسن في القفى مايرحمون اما وقفت وصاحبي ولا مشيت
من دون نظارة ولاهـم يحزنون ياكثر ماكسَرت كشمـات وشريـت
لكن يادكتور جعلك ماتهون ابغيك بكلمه راس دامك مابديـت
اسمع ولا ابغى اللي وزانك يسمعون ربي كتب يكشفلك اسراري وجيـت
صورة عديل الروح عندك في العيون واخاف تقطعها بموسـك ماوعيـت
ولاعليك امر اطوها تحت الجفـون وعقبه لوتقطـع عيوني ماشكيـت
هي راس مالي والعرب مايدركـون اني على باب الممات وماحكيـت
ياقـو قلبـي يـوم قفـن الطعـون اللي علـى ذاك المـوادع مابكيـت
وياصبر صبري والعواذل يحسبـون اني دلهت مـن الهواء ولا سليـت
اسكت عساهم من سكاتـي يسكتـون وانا عن اللي في ضميري ما انتهيت
وادور الفرحه مع اللـي يسهـرون وان ذكروني خذت فنجال وسريـت
اخذت من وقتك يا دكتور العيون عالج عيوني لو بعـد طبـك عميـت
واستر علي واللي معـك لايفطنون انت الوحيد اللي بعد ربي دريت

يامؤمن الريفي انا جيتك زبون
شارك الموضوع
تعليقات
مكان لاعلان