قصيدة احرص توهق تجرح الناس بالهمس للشاعر سليمان ابن مطرود الشراري
احرص توهق تجرح الناس بالهمس
يأدبك من به عنفوان وشراسه
كانك تشيل بشنطتك حقد قبل امس
يجيك واحد شنطته فوق راسه
وكانك جديد توك متعلمن الدرس
حنا عرفنا الدرس قبل الدراسه
الذيب ذيب ولا درى عنك يا بس
يا مدورن عند المطاعم لحاسه
هده من الهدات لا غابت الشمس
ياخذ عشاه بقو عزمه وباسه
وكلب الغنم ينبح وينكس ويندس
وراع الغنم ما فكها بالحراسه
