إعلان

قصيدة فاح الحشا فوح الدلال المهاييل

قصيدة فاح الحشا فوح الدلال المهاييل


فاح الحشا فوح الدلال المهاييل

من واقع الأقدار ذاق الكسافة

عشنا وشفنا يازمان الغرابيل

وطالت علينا في ذراك المسافة

ياما تجملنا مع الناس تجميل

ولاحسبنا من وراهم كلافه

وياما تكدرنا وذقنا البهاذيل

وياما تجرعنا الندم والحسافة

المزنة الغراء تشح الهماليل

والقاع عقب السيل طول جفافه

والعمر لاقفى ماتفيد الولاويل

ابمكنه من قبل يعلن مطافه

ماني عضيدن للرجال المهابيل

ولاني عميلن للردى والسخافة

لو مالت الأيام في ناظري ميل

قلبي على ميل الدهر به صلافة

بصبره ضد الصدوف المقابيل

لو السنين اللي بوجهي عجافه

اما حياتن توفي الكيل بالكيل

وإلا ممات العز محدن يخافه

شارك الموضوع
تعليقات
مكان لاعلان